તાપી એલસીબી પોલીસ સ્ટાફના માણસોને મળેલ બાતમીના આધારે આજરોજ સોનગઢ તાલુકાના ટોકરવા ગામના પીર ફળીયામાં દેશીદારૂની ભઠ્ઠી પર રેઇડ કરી હતી. રેઇડ દરમિયાન સગુબેન ઈશ્વરભાઈ ગામીતે પોતાના ઘરની પાછળ આવેલ પજારીમાં દેશી હાથ બનાવટની ચાલુ ભઠ્ઠી બનાવી હતી.

પોલીસે સ્થળ પરથી દેશીદારૂ, ભઠ્ઠીના સાધનો, 115 લીટર રસાયણ સહિતના દેશીદારૂ બનાવવાના મુદ્દામાલ સાથે સગુબેન ગામીતને ઝડપી પાડી હતી.

આ બનાવમાં સ્નેહલભાઈ ગોવિંદભાઈની ફરિયાદના આધારે સગુબેન વિરુદ્ધ સોનગઢ પોલીસ મથકે ગુનો દાખલ કરી નિયમોનુસારની કાર્યવાહી હાથ ધરી છે.