તાપી જિલ્લામાં ભારેથી અતિભારે વરસાદની આગાહી કરવામાં આવી છે. તેને પગલે આજે જિલ્લા સમાહર્તાએ જિલ્લાની તમામ શાળાઓ અને આંગણવાડી કેન્દ્રોમાં રજા જાહેર કરવા આદેશ જારી કર્યો છે.

રાજ્યમાં ચોમાસું ભરપૂર સક્રિય બન્યું છે અને તાપી જિલ્લો તથા દક્ષિણ ગુજરાતના વિસ્તારોમાં ભારેથી અતિભારે વરસાદ થઈ રહ્યો છે.હવામાન વિભાગ પ્રમાણે ગુજરાતમાં કેટલાક જિલ્લાઓમાં અત્યંત ભારે વરસાદ થવાની પણ શક્યતા છે અને 26 જુલાઈ સુધી કોઈ વિસ્તારોમાં ભારે વરસાદ થવાની શક્યતા છે.ત્યારે આજરોજ એટલે કે,તા.24મી જુલાઇ નારોજ જિલ્લા માહિતી કચેરી દ્વારા આપવામાં આવેલ માહિતી અનુસાર અતિભારે વરસાદ ના કારણે તાપી જિલ્લાની તમામ શાળાઓ અને આંગણવાડી કેન્દ્રોમાં આજ તા. 24/07/2024 ના રોજ રજા જાહેર કરવા માન. કલેક્ટર શ્રીની સૂચના છે.