સોનગઢ નજીક નવાપુરના લક્કડકોટ ગામે રહેતો ઉદેસિંગ ઉર્ફે બુધીયો રાનીયા ગાવીત દારૂના વેપાર સાથે સંકળાયેલો છે અને સોનગઢનાં આસપાસનાં વિસ્તારમાં બુટલેગરોને દારૂ પૂરો પાડે છે. તેની સામે સોનગઢ પોલીસ મથકે દારૂ બંધી ભંગના કુલ 11 અને વ્યારા પોલીસ સ્ટેશનમાં 1 મળી કુલ 12 ગુના દાખલ થયા હતાં અને હાલ તેને પોલીસના ચોપડે વોન્ટેડ જાહેર કરવામાં આવ્યો હતો. તાપી એલ.સી.બી. પોલીસ પેટ્રોલિંગમાં હતી. તે સમયે બાતમી મળી હતી કે, બુધીયો હાલ સોનગઢના ઓટા ચાર રસ્તા વિસ્તારમાં ઉભો છે. જેથી પોલીસ સ્ટાફના માણસોએ ઓટા ચાર રસ્તા પાસેથી બુધિયા ગાવીતને ઝડપી પાડી કાયદેસરની કાર્યવાહી હાથ ધરી હતી.