વ્યારાથી ત્રણ વાહનોમાં 15 જેટલી‎ ભેંસ ભરી મહારાષ્ટ્ર તરફ લઈ‎ જતાં ત્રણ વાહન ચાલકોને પોલીસે‎ રંગેહાથ ઝડપી પાડી 1.5 લાખની ભેંસો‎ અને 5 લાખના વાહનો મળી કુલ‎ રૂપિયા 6,50,000/-ની કિંમતનો મુદ્દામાલ‎ જપ્ત કર્યો હતો.‎ બનાવની વિગત એવી છે કે, સોનગઢ પોલીસ દ્વારા ગૌમુખ‎ દોણ ગામ રસ્તે જંગલ વિસ્તારમાં‎ ગેરકાયદે હેરાફેરી અટકાવવા‎ માટે ચેકપોસ્ટ બનાવવામાં આવી‎ છે. જયારે સોનગઢ પોલીસનો સ્ટાફનાં માણસો‎ બુધવારે સવારે વાહન ચેકીંગમાં હતા તે સમયે એક આઈશર ટેમ્પો નંબર‎ જીજે/26/ટી/9165 પસાર થઈ રહ્યો હતો તે સમયે પોલીસે ટેમ્પાને અટકાવી તેમાં તપાસ‎ હાથ ધરતા ટેમ્પા માંથી ખીચોખીચ સ્થિતિમાં‎ ભરવામાં આવેલી 09 ભેંસો મળી આવી હતી.ત્યારબાદ થોડા જ‎ સમયમાં બે બોલેરો પીક અપ વાન પણ ત્યાં આવી હતી. તેમાંથી પણ‎ કુલ 06 ભેંસ મળી આવી હતી.‎ જોકે આ ત્રણેય વાહનના ચાલકોની‎ પૂછપરછ કરવામાં આવતાં આ‎ પૈકીની કેટલીક ભેંસોના માલિક‎ નસીરા ઇબ્રાહિમ (રહે. જેસિંગપુરા‎,વ્યારા) એ ભરાવી હતી અને‎ બાકીની ભેંસો જુદા-જુદા‎ ગામોમાંથી ભરવામાં આવી હતી‎ અને મહારાષ્ટ્રના ધૂળિયા ખાતે‎ ‎ વેચાણ અર્થે લઈ જવામાં આવતી‎ હતી તેવું જાણવા મળ્યું હતું. જોકે પોલીસને વાહન ચાલકો‎ પાસે ભેંસ વહન કરવા માટે જરૂરી‎ કાગળ કે મંજૂરી પણ મળી આવી‎ ન હતી.આમ, પોલીસે રૂપિયા 1,50,000/-ની કિંમતની 15 ભેંસ‎ અને ટેમ્પો સહિત ત્રણ વાહનો કે‎ જેની કિંમત રૂપિયા 5 લાખ મળી કુલ‎ રૂપિયા 6,50,000/-નો મુદ્દામાલ જપ્ત કરી ઝડપાયેલ વસીમ‎ ‎ ‎ અજીમખાન પઠાણ (રહે.બુહારી‎ તા.વાલોડ), સદામઅલી હસનઅલી આલેસર અને મહોમ્મદઅલી‎ હસનઅલી આલેસર (બંને‎ રહે.જેસિંગપુરા, તા.વ્યારા) ના ઓની ધરપકડ‎ કરી તેમની‎ સામે ગુજરાત પશુ પ્રાણી હેરફેર‎ નિયંત્રણ હુકમ અને અન્ય કલમો‎ હેઠળ ગુનો દાખલ કરી કાયદેસરની કાર્યવાહી હાથ ધરવામાં આવી હતી.