નિઝર તાલુકાના હથોડા બ્રીજ નીચેથી બે પુરુષોની લાશ મળતા ચકચાર મચી જવા પામી છે. બંને પુરુષો કોઈ અગમ્ય કારણોસર તાપી નદીમાં કુદકો માર્યો હોવાની વિગતો જાણવા મળી છે. 

હથોડા બ્રીજ પાસેથી તાપી નદીના બંને કિનારાઓ નજીકથી બે મૃતદેહ મળી આવતા પોલીસે કાર્યવાહી હાથ ધરી છે. જેમા પ્રથમ પુરુષ રહે.અંતર્લિ ગામના કુંદનસિંગ ચતુરસિંગ પરમાર(ઉ વ.40. ધંધો.ડ્રાઇવર) હોવાની વિગતો બહાર આવી છે. જ્યારે બીજો પુરુષ રાજેન્દ્ર પુંડલીક પવાર(ઉ.વ.52, નોકરી-મુખ્ય બેલીફ નંદુરબાર કોર્ટ) રહે.જગતાપ વાડી, જિ.નંદુરબારનો હોવાની વિગતો બહાર આવી છે. આ ઘટનાની જાણ થતા પોલીસ ઘટના સ્થળ પર પહોંચી મૃતદેહ બહાર કાઢી આગળની કાર્યવાહી હાથ ધરી છે.