નિઝર તાલુકાનાં લક્ષ્મીખેડા ગામ નજીક બસ સ્ટેશન પાસેથી નશો કરી બાઈક હંકારી લઈ આવતા એક ઈસમને ઝડપી પાડી કાયદેસરની કાર્યવાહી હાથ ધરી હતી.

મળતી માહિતી મુજબ, નિઝર પોલીસ સ્ટાફના માણસો પેટ્રોલીંગમાં હતા. તે દરમિયાન લક્ષ્મીખેડા ગામ નજીક બસ સ્ટેશન પાસેથી પસાર થતો નિઝરથી ઉચ્છલ જવાના જાહેર રસ્તા પરથી એક હીરો હોન્ડા કંપનીની સ્પ્લેન્ડર પ્લસ મોટરસાઈકલ નંબર એમએચ/15/બીઆર/739નો ચાલક નિતેશભાઈ સુખાલાલભાઈ વસાવે રહે.આડદા ગામ, નિઝરનાએ વગર પાસ પરમિટે દારૂનો પુષ્કળ પ્રમાણમાં નશો કરી પોતાના કબ્જાની બાઈક નશાની હાલતમાં ડ્રાઈવીંગ કરતો પોલીસ પેટ્રોલીંગમાં ઝડપાઈ ગયો હતો. બનાવ અંગે પોલીસ કોન્સ્ટેબલ હરીશચંદ્રભાઈની ફરિયાદના આધારે નિતેશ વસાવે વિરુદ્ધ કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)