ઉચ્છલનાં ત્રણ રસ્તા પાસેથી પુરઝડપે ટેમ્પો લઈ આવતા ટેમ્પો ચાલકને ઝડપી પાડી પોલીસે કાયદેસરની કાર્યવાહી હાથ ધરી હતી.

 

 

 

મળતી માહિતી મુજબ, ઉચ્છલ પોલીસ સ્ટાફના માણસો મંગળવારે ત્રણ રસ્તા પાસે વાહન ચેકિંગમાં હતા. તે દરમિયાન ઉચ્છલ-નિઝર જાહેર રોડ ઉપરથી એક ટાટા મેજીક ટેમ્પો નંબર જીજે/26/ટી/5387નો ચાલક અરવિંદભાઈ સુરપાભાઈ ગામીત રહે.વડપાડાભીંત ગામ, ઉચ્છલનાએ પોતાના કબ્જાનો ટેમ્પો પુરઝડપે અને ગફલતભરી રીતે પોતાની તથા રાહદારીઓની જાન જોખમાય એ રીતે લઈ આવતા વાહન ચેકીંગમાં ઝડપાઈ ગયા હતા.

 

 

 

બનાવમાં પોલીસ કોન્સ્ટેબલ દાનુભાઈની ફરિયાદના આધારે અરવિંદ ગામીત વિરુદ્ધ ગુનો નોંધી આગળની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)