ઉચ્છલ તાલુકાના પાટીબંધારા ગામમાં મુંબઈથી નીકળતા વરલી મટકાનો જુગાર રમાડતા એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો ખાનગી વાહનમાં બેસી બુધવારે બપોરે પ્રોહી. જુગાર અંગેની રેઈડમાં નીકળેલ હતા. તે દરમિયાન મળેલ ખાનગી બાતમીના આધારે, પોલીસે પાટીબંધારા ગામના, ટાંકી ફળિયામાં ચાલતા વરલી મટકા જુગારના અડ્ડા પર પોલીસે દરોડા પાડ્યા હતા. તે સમય દરમિયાન સ્થળ પરથી કિશનભાઈ હુરાભાઈ ગામીત જે મુંબઈથી નીકળતા વરલી મટકાના આંક પર હારજીતનો જુગાર રમાડતા પોલીસ રેઈડમાં ઝડપાઈ ગયા હતા. પકડાયેલ ઈસમ પાસેથી પોલીસે જુગારના સાધનો સહિત રોકડ રૂપિયાનો મુદ્દામાલ જપ્ત કરી કિશન ગામીત વિરુધ્ધ ઉચ્છલ પોલીસ મથકે ગુનો નોંધી કાયદેસરની કાર્યવાહી ધરવામાં આવી હતી. (મનિષા સુર્યવંશી દ્વારા વ્યારા)