ઉચ્છલનાં સાકરદા બ્રીજ નીચેથી બાઈક ઉપર વિદેશી દારૂની હેરાફેરી કરતો એક યુવકને ઝડપી પાડી પોલીસે કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો સાકરદા બ્રીજ નીચે વાહનમાં ચેકીંગમાં હતા. તે દરમિયાન એક મોટરસાઈકલ નંબર જીજે/19/7851ને ઝડપી પાડી તપાસ કરતાં બાઈક ચાલક હેમરાજભાઈ રામદેવભાઈ ગુજ્જરના કબજામાંથી વગર પાસ પરમીટે બાઈકની પાછળ એક વિમલના કાપડના થેલામાં મુકેલ વિદેશી દારૂની 120 બોટલો પોલીસ તપાસમાં મળી આવી હતી જેની કીંમત રૂપિયા 7200/- અને બાઈક મળી કુલ રૂપિયા 22,200/-નો મુદ્દામાલ પોલીસે કબ્જે કર્યો હતો. બનાવ અંગે પોલીસ કોન્સ્ટેબલ પંકજભાઈની ફરિયાદના આધારે હેમરાજ ગુજ્જર વિરુધ્ધ ઉચ્છલ પોલીસે ગુનો નોંધી કાયદેસરની કાર્યવાહી હાથ ધરી હતી. (મનિષા સુર્યવંશી દ્વારા વ્યારા)