તાપી જિલ્લાનાં વાલોડનાં સમાચારી ફળીયામાંથી દેશી દારૂના મુદ્દામાલ સાથે એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, વાલોડ પોલીસ સ્ટાફના માણસો ખાનગી વાહનમાં બેસી પેટ્રોલીંગમાં નીકળ્યા હતા. તે દરમિયાન મળેલ ખાનગી બાતમીના આધારે, વાલોડનાં સમાચારી ફળીયામાં રહેતા, પ્રવિણભાઈ નરસિંહભાઈ રાઠોડએ વગર પાસ પરમિટે પોતાના ઘરની બાજુમાં આવેલ ખુલ્લી પજારીના ભાગે પ્લાસ્ટિક કેનમાં સંતાડી મુકેલ દેશી દારૂનાં મુદ્દામાલ સાથે પોલીસ પેટ્રોલીંગમાં ઝડપાઈ ગયો હતો. બનાવ અંગે પોલીસ કોન્સ્ટેબલ દિવ્યેશભાઈની ફરિયાદના આધારે, પ્રવિણ રાઠોડ વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)