તાપી જીલ્લામાં આજરોજ કોરોના પોઝીટીવનો એકપણ નવો કેસ નોંધાયો નથી. જેને લઇ આરોગ્ય તંત્રએ  રાહતનો શ્વાસ લીધો હતો.

જીલ્લા આરોગ્ય અધિકારી ડો.હર્ષદભાઈ પટેલના જણાવ્યા અનુસાર તા.21મી જાન્યુઆરીના રોજ જીલ્લામાં કોરોના પોઝીટીવનો એકપણ નવો કેસ નોંધાયો નથી.

જીલ્લામાં આજદિન સુધી કોરોના પોઝીટીવ દર્દીઓના કુલ 885 કેસો નોંધાયા છે, આજરોજ વધુ 1 દર્દી સાજો થતા રજા આપવામાં આવી છે. અત્યાર સુધી કુલ 841 દર્દીઓ સાજા થયા છે, કોરોનાની સારવાર દરમિયાન કુલ 41 દર્દીઓના મોત નીપજ્યા છે, જીલ્લામાંથી આજરોજ કોરોના ટેસ્ટ માટે 160 સેમ્પલ લેવામાં આવ્યા છે. જીલ્લામાં માત્ર 4 કેસ એક્ટીવ છે.