ડોલવણ તાલુકાનાં પાટી ગામમાં લગ્ન મંડપમાં મોઢે માસ્ક પહેર્યા વગર ડીજે વગાડતો યુવક ઝડપાતા કાયદેસરની કાર્યવાહી હાથ ધરી હતી.

 

 

 

મળતી માહિતી મુજબ, ડોલવણ પોલીસ સ્ટાફના માણસો ને મળેલ બાતમીના આધારે, પાટી ગામનાં ગેગડી ફળિયામાં રહેતી, રમીલાબેન જયંતિભાઈ ગામીતના ઘરે દિકરીના લગ્ન પ્રસંગ હોવાથી એક મહિન્દ્રા કંપનીના ટેમ્પોમાં ડીજેનાં સ્પીકરો ગોઠવેલ હતા અને તે સ્પીકરોની પાછળ ડીજે ઓપરેટીંગ કરતો અજયભાઈ રણજીતભાઈ કોંકણી રહે, તકીઆંબાગામ, ડોલવણ  નાએ મોઢે માસ્ક પહેર્યા વગર અને લોકો ભેગા કરી લગ્ન મંડપમાં ગીતો વગાડી નાચગાન કરાવતો હોય જાહેરનામાનો ભંગ કરતા પોલીસ દ્વારા ઝડપી પાડવામાં આવ્યો હતો.

 

 

 

બનાવ અંગે પોલીસ કોન્સ્ટેબલ રોનકભાઈની ફરિયાદના આધારે અજય કોંકણી વિરુધ્ધ કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)