કારની સીટ નીચે પેટ્રોલ ટાંકીમાં અને કારની સિગ્નલ લાઈટની અંદરની સંતાડીને દારૂની બાટલીઓ લઇ જતા એક કાર ચાલકને વાલોડ પોલીસ સ્ટાફના માણસોએ ઝડપી પાડી કાર અને દારૂ મળી કુલ રૂપિયા ૯૬,૧૪૦/- નો મુદ્દામાલ કબજે કર્યો હતો.

 

 

 

 

 

પોલીસ સુત્રો પાસેથી મળતી માહિતી મુજબ વાલોડના બાજીપુરા હાઇવે માર્ગ ઉપરથી શનિવારે એક કાર ચાલકને બાતમીના આધારે વાલોડ પોલીસ સ્ટાફના માણસોએ ઝડપી પાડી કાર નંબર જીજે/૧૫/પીપી/૭૨૫૦ માં તપાસ કરતા કારની સીટ નીચે પેટ્રોલ ટાંકીમાં અને કારની સિગ્નલ લાઈટની અંદરની સંતાડી મુકેલ વિસ્કી અને દેશીદારૂ સુગંધી સંતરાની કુલ બાટલીઓ નંગ ૫૯૨ જેની કિંમત રૂપિયા ૨૦,૬૪૦/- ના દારૂની બાટલીઓ સાથે કાર ચાલક રવીન્દ્રભાઈ પાંડુરંગભાઈ બોરસે રહે, રાજમંદિર રેસીડેન્સી,તાંતીથૈયા ગામ તા.પલસાણા જી.સુરત નાઓને ઝડપી પાડવામાં આવ્યો હતો. પોલીસની તપાસમાં સુરતના ડીંડોલીમાં રહેતો સંજયભાઈ નામના ઇસમે મહારાષ્ટ્રના નંદુરબાર જિલ્લાના કોન્ડાઈબારી ગામ પાસેથી કોઈ અજાણ્યા ઇસમ પાસેથી ટેલીફોનીક સંપર્ક કરી દારૂ ભરાવી આપી મંગાવ્યો હોવાનું પોલીસ તપાસમાં જાણવા મળ્યું હતું જે૪ને વોન્ટેડ જાહેર કરવામાં આવ્યો છે.

 

 

 

 

 

બનાવ અંગે પોલીસકર્મીની ફરિયાદના આધારે પકડાયેલા આરોપી પાસેથી મળી આવેલ રૂ.૫૦૦/- નો એક મોબાઈલ ફોન, રૂપિયા ૭૫,૦૦૦/-ની કાર તેમજ રૂપિયા ૨૦,૬૪૦/- નો દારૂની બાટલીઓ મળી કુલ રૂપિયા ૯૬,૧૪૦/- નો મુદ્દામાલ કબજે કરી આરોપીઓ વિરુદ્ધ વાલોડ પોલીસ મથકે ગુનો દાખલ કરી આગળની વધુ તપાસ હાથ ધરવામાં આવી હતી.