ડોલવણનાં પલાસીયા ગામમાંથી દેશી દારૂનાં મુદ્દામાલ સાથે એક ઈસમને ઝડપી પાડી કાયદેસરની કાર્યવાહી હાથ ધરી હતી.

મળતી માહિતી મુજબ, ડોલવણ પોલિસ સ્ટાફના માણસો ખાનગી વાનાહમાં પ્રોહી. ગુન્હા અંગેની રેડમાં નીકળેલ હતા. તે દરમિયાન મળેલ બાતમીના આધારે, પલાસીયા ગામના, વચલા ફળિયામાં રહેતો રાજેશભાઈ બાબુભાઈ ગામીતએ ગેરકાયદેસર અને વગર પાસ પરમિટે પોતાના ઘરની પજારીના ભાગે એક પ્લાસ્ટીકના કેનમાં સંતાડી મુકેલ દેશી દારૂનાં મુદ્દામાલ સાથે પોલીસ રેડમાં ઝડપાઈ ગયો હતો.બનાવ અંગે પોલીસ કોન્સ્ટેબલ હિરેનભાઈની ફરિયાદના આધારે રાજેશ ગામીત વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)