કુકરમુંડા ખાતે ગતરોજ નિઝર મત વિસ્તારના ધારાસભ્ય સુનિલભાઈ ગામીત તથા અન્ય કોંગ્રેસના હોદ્દેદારો, કાર્યકર્તાઓઓ કોવિડ-19 ન્યાય યાત્રા હેઠળ ભાજપ સરકાર સામે તીખા પ્રહારો કરતા બેનરો કાઢી હતી. માસ્કના દંડની કમાણી-વાપરી કરવા ઉજાણી, ન્યાય તો હમ દિલાકે રહેંગે, દહાહીન ભાજપ સરકાર બરબાદ થયા અનેક પરિવાર વિગેરે અનેક પોસ્ટર સાથે રેલીમાં જોડાયેલા કાર્યકર્તાઓ, હોદ્દેદારોએ કુકરમુંડા મામલતદાર કચેરીએ પહોંચી આવેદન પત્ર આપતા જણાવ્યું કે, કોવિડમાં મૃત્યુ પામેલા મૃતકના આધાર-પુરાવા તપાસી મરણ પ્રમાણપત્રમાં સુધારો કરવા નોડલ ઓફિસરની નિમણુંક કરવી જોઈએ.જયારે મરણ પ્રમાણપત્રમાં મૃત્યુનું કારણ અન્ય બીમારી લખી મૃત્યુઆંક છુપાવવાની સરકારે કોશિશ કરી છે. મૃતકને રૂપિયા 50 હજારનું પશુઓનું સરખું વળતરનું ધારાધોરણ રાખી માનવજાતની ક્રૂર મજાક સરકારે કરી છે. કોવિડમાં મૃત્યુ પામનાર દરેકને 4 લાખનું વળતર તથા દર્દીઓના તમામ મેડીકલ બીલની રકમની ચુકવણી કરવી જોઈએ, કોવિડથી અવસાન પામેલા સરકારી કર્મચારીઓના સંતાન કે પરિવારજનોએ કાયમી નોકરી આપવી જોઈએ, સરકારી તંત્રની ઘોર નિષ્ફળતાની ન્યાયિક તપાસ કરવામાં આવે તેવી જુદી જુદી માંગ રજુ કરી હતી. જો સરકાર ઉધોગપતિ ઓના દેવા માફ કરી શકતી હોય તો કોવિડથી મૃત્યુ પામનારને વળતર ચુકવવામાં કેમ વિલંબ કરે છે તેવો આક્રોશ ઠાલવ્યો હતો.

વ્યારાના ધારાસભ્ય પુનાજીભાઈ ગામીતના અધ્યક્ષ સ્થાનમાં તાપી જિલ્લામાં કોવિડ 19માં પરિવારોને સહાય મળે તે માટે વ્યારા મામલતદારને આવેદનપત્ર આપવામાં આવ્યું હતું.