ઉચ્છલનાં ત્રણ રસ્તા પાસેથી માસ્ક વગર રીક્ષા લઈ આવતા એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી અનુસાર, ઉચ્છલ પોલીસ સ્ટાફના માણસો ઉચ્છલ-નિઝર રોડ ઉપર રવિવારે સાંજે ઉભા હતા. તે દરમિયાન નિઝર તરફથી આવતી એક અતુલ કંપનીની ઓટો રીક્ષા નંબર જીજે/26/ટી/2070નો ચાલક ઉત્તમભાઈ મગનભાઈ વસાવા રહે.માણેકપુર ગામ, પટેલ ફળિયું, ઉચ્છલનાએ પોતાની તથા પેસેંજર વચ્ચે કોઈપણ પ્રકારનું સોશ્યલ ડીસટન્સ રાખ્યા વગર તેમજ પોતે મોઢે માસ્ક પહેર્યા વગર આવતા ઝડપાઈ ગયા હતા. બનાવ અંગે પોલીસ કોન્સ્ટેબલ સુનીલભાઈની ફરિયાદના આધારે ઉત્તમ વસાવા વિરુદ્ધ ગુનો નોંધી આગળની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)