ઉચ્છલ તાલુકાનાં મોહિની ગામમાંથી દેશી દારૂના મુદ્દામાલ સાથે એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો મંગળવારે મોડી સાંજે પ્રોહી. ગુન્હા અંગેની રેડમાં નીકળેલ હતા. તે દરમિયાન મળેલ ખાનગી બાતમીના આધારે, મોહિની ગામનાં નિશાળ ફળિયામાં રહેતા, તુકારામભાઈ શિવાભાઈ વસાવાએ પોતાના ઘરની આગળ આવેલ ખુલ્લી પજરીનાં ભાગે વગર પાસ પરમિટે એક પ્લાસ્ટીકના કેનમાં સંતાડી મુકેલ દેશી દારૂના મુદ્દામાલ સાથે પોલીસ રેઈડમાં ઝડપાઈ ગયા હતા. બનાવ અંગે પોલીસ કોન્સ્ટેબલ અતુલભાઈની ફરિયાદના આધારે તુકારામ વસાવા વિરુદ્ધ ગુન્હો નોંધી કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)