ડોલવણ અંધારવાડીદુર ગામમાંથી દેશી દારૂના મુદ્દામાલ સાથે એક ઈસમને ઝડપી પાડી કાયદેસરની કાર્યવાહી હાથ ધરવામાં આવી હતી.

મળતી માહિતી મુજબ, ડોલવણ પોલીસ સ્ટાફના માણસો ખાનગી વાહનમાં બેસી પ્રોહી. ગુન્હા અંગેની રેઈડમાં નીકળેલા હતા. તે દરમિયાન મળેલ બાતમીના આધારે, અંધારવાડીદુર ગામના ગોઠણીમોરા ફળિયામાં રહેતા દિનેશભાઈ પાયલભાઈ ચૌધરીએ વગર પાસ પરમિટે પોતાના ઘરની પજારીના ભાગે સંતાડી મુકેલ દેશી દારૂનાં મુદ્દામાલ સાથે પોલીસ રેઈડમાં ઝડપાઈ ગયા હતા. બનાવ અંગે પોલીસ કોન્સ્ટેબલ હિરેનભાઈની ફરિયાદના આધારે દિનેશ ચૌધરી વિરુદ્ધ કાયદેસરની કાર્યવાહી હાથ ધરી હતી. (મનિષા સુર્યવંશી દ્વારા વ્યારા)