મનિષા સુર્યવંશી/વ્યારા : વ્યારા ખાતે મહારાષ્ટ્રીયન સમાજનાં લોકો દ્વારા કુળદેવી ‘કાનબાઈ માતા’ની પવિત્ર શ્રાવણ મહિનામાં રવિવારનાં દિને સ્થાપના કરીને ઉજવણી કરવામાં આવે છે. જેમાં ‘કાનબાઈ માતા’ની એક દિવસ સ્થાપના કરી ભક્તો દ્વારા આખી રાત પુજા અર્ચના અને આરાધના કરી જાગરણ કરવામાં આવ્યુ હતુ અને જાગરણ દરમિયાન ભજનો પણ ગવાયા હતા.

​

તેમજ બીજા દિવસે સવારે આરતી કરી ‘કાનબાઈ માતા’ને બાજટ પર બેસાડીને ભક્તો પોતાના માથા પર મૂકી ઢોલ નગારા વગાડી વાજતે ગાજતે નગરમાં ફેરવી ‘કાનબાઇ માતા’ને નદીમાં સ્નાન કરાવી પરત ઘરે લાવવામાં આવ્યા હતા જેમાં મોટી સંખ્યામાં મહારાષ્ટ્રીયન સમાજનાં લોકો હાજર રહ્યાં હતા.