નિઝરમાં ઘરમાં ઘુસી યુવક પર લાકડી વડે હુમલો કરાયો હતો જે અંગેની પોલીસમાં ફરિયાદ નોંધવામાં આવી હતી. સુત્રો પાસેથી મળતી માહિતી અનુસાર, નિઝર નગરમાં હિંદહાટી ફળિયામાં રવિવારનાં રાત્રે જાન્યાભાઈ શિવાજીભાઈ ગાવિત (મૂળ.ભોરપાડા ગામ, તા.નવાપુર, હાલ રહે.પ્લોટ ફળિયા, નિઝર) નાઓ તેમના સાળા પૈતાનભાઈના ઘરે આવ્યા હતા, જયારે રાત્રીનાં અરસામાં જાન્યાભાઈ શિવાજીભાઈ ઘરમાં પાણી પીતો હતો.

તે સમયે હુપાભાઈ દેવીસિંગભાઈ પાડવી (રહે.નિઝર) નાઓ ત્યાં આવીને જાન્યાભાઈને જણાવેલ કે ‘મારી વહુને તારો છોકરો કેમ ભગાડી ગયેલ છે’ તેમ કહી નજીકમાં પડેલ લાકડાથી જાન્યાભાઈને માથાના જમણી ભાગે ફટકો મારી દેતા લોહી લુહાન કરી દઈ અને કેહતો હોય કે ‘આજે તું બચી ગયેલ પરંતુ બીજીવાર જાનથી મારી નાખીશ’ તેવી ધમકી આપી જતો રહ્યો હતો. બનાવ અંગે જાન્યાભાઈ શિવાજીભાઈએ નિઝર પોલીસ મથકમાં ફરિયાદ નોંધાવતા પોલીસે વધુ કાર્યવાહી હાથ ધરી હતી.

​