વર્તમાન સમયમાં ડિપ્થેરીયા મોટી ઉંમરના બાળકોને પ્રભાવીત કરી રહ્યો છે. જેના કારણે  ટીડી (Td) ની રસી જ બચવાનો એક માત્ર ઉપાય છે. ત્યારે ભરૂચ જિલ્લાના તમામ કિશોર અને કિશોરીઓને સ્વાસ્થ્ય જળવાયેલું રહે અને ટીટેનસ અને ડિપ્થેરીયા સામે રક્ષણ મળે એ માટે ભરૂચ જિલ્લાની તમામ શાળાઓમાં ઓગષ્ટ અને સપ્ટેમબ૨ એમ બે મહીના સુધી અભિયાન હાથ ધરાવામાં આવ્યુ  છે.

આ અભિયાન અંતર્ગત ૧ ઓગસ્ટ ૨૦૨૨ થી ભરૂચ જિલ્લામાં ૧૦ વર્ષ અને ૧૬ વર્ષની વય ધરાવતા બાળકો તેમજ શાળાએ ન જતા બાળકોને ટીડી (Td) ૨સીક૨ણ ક૨વાનું અભિયાન હાથ ધરવામાં આવ્યુ છે. આ રસીકરણથી ટીટેનસ અને ડિપ્થેરીયાના જેવાં રોગ સામે રક્ષણ મેળવવા ટીડીની રસી અત્યંત જરૂરી છે. આ અભિયાન અંતર્ગત જિલ્લામાં ૧૦ અને ૧૬ વર્ષની વય ધરાવતા શાળાએ જતાં બાળકો અને શાળાએ ન જતા તમામ બાળકોનો સમાવેશ કરાયો છે.

ભરૂચ જિલ્લામાં અંકલેશ્વર તાલુકાના ખરોડ પ્રાથમિક શાળામાં આરોગ્ય વિભાગના ચેરમેનશ્રી આરતીબેન પટેલના હસ્તે ટીડી (Td) ૨સીકરણ કાર્યક્રમનું ઉદ્ઘાટન કરવામાં આવ્યુ હતુ.  આ સાથે જિલ્લા કલેકટ૨શ્રી,  જિલ્લા વિકાસ અધિકારીશ્રી તથા જિલ્લા આરોગ્ય અધિકારીશ્રી દ્વારા તમામ ૧૦ અને ૧૬ વર્ષના ધરાવતા કિશોર અને કિશોરીઓ માટે ૨સી લેવા માટે અનુરોધ ક૨વામાં આવ્યો હતો.