વેડરોડ વિશ્રામનગર મંગલમુર્તી ઍપાર્ટમેન્ટ પાસે ઉભેલા વરીયાવી હજારના રત્નકલાકારને બે જણાઍ તું અહી રહેતો નથી તો પણ તું કેમ આવે છે તુ વિસ્તારનો દાદો બનવા માંગે છે ? હોવાનુ કહી છાતીના ભાગે ચપ્પુના ઘા મારી જાનથી મારી નાંખવાની ધમકી આપી નાસી ગયા હતા.

ચોકબજાર પોલીસ પાસેથી મળતી વિગત મુજબ ખાન સાહેબનું ભાઠુ ધાસ્તીપુરા વરીયાવી બજાર ખાતે રહેતા અને હીરા મજુરી કરતા કાશીનાથ તુકારામ પવાર (ઉ.વ.૨૬) સાંજે પાંચેક વાગ્યે વેડરોડ વિશ્રામનગર મંગલમુર્તી ઍપાર્ટમેન્ટ પાસે ઉભો હતો. તે વખતે તેની પાસે રોહિત કોષ્ઠી અને સ્વપ્નીલ પાટીલ આવી “તુ અહી રહેતો નથી તો પણ તુ કેમ આવે છે તુ વિસ્તારનો દાદો બનવા માંગે છે” ?? તેમ કહી છાતી અને પેટના ભાગે ચપ્પુના ઘા માર્યા હતા.

તેમજ જતા જતા જાનથી મારી નાંખવાની ધમકી આપી હતી. પોલીસે કાસીનાથની ફરિયાદ લઈ બંને સામે ગુનો દાખલ કરી તપાસ હાથ ધરી છે.