ડિંડોલી સી.આર.પાટીલ રોડ સાંઈ પોઈન્ટ પાસે પુત્રઍ પિતાની ચપ્પુના ઘા મારી હત્યા કરી હતી. હત્યારા પુત્ર તેની પત્નીને મારતો હોવાથી મોટોભાઈ તેને કેમ મારે છે હોવાનું કહેતા તેની સાથે ઝઘડો કરી ચપ્પુ મારવા જતા પિતા છોડાવા માટે વચ્ચે પડી છોડ આને કેમ મારે છે કહી ધક્કો મારતા ઉશ્કેરાઈને ચપ્પુ મારી હત્યા કરી હતી.

 

 

 

ડિંડોલી પોલીસના જણાવ્યા મુજબ સી.આર.પાટીલ રોડ સાંઈ પોઈન્ટ પાસે નવો હળપતિવાસમાં રહેતા મહાદેવ મનોજભાઈ રાઠોડ (ઉ.વ.૨૨) છુટક મજુરી કામ કરે છે. ગઈકાલે મોડી સાંજે સાડા છ વાગ્યાના આરસામાં મહાદેવનો નાનો ભાઈ મહેન્દ્ર રાઠોડ તેની પત્નીને મારતો હોવાથી તેને કેમ મારે છે તેમ કહેતા મહેન્દ્ર ઉશ્કેરાયો હતો અને તેનાભાઈ મહાદેવ સાથે ઝઘડો કરી ચપ્પુ કાઢી તેને મારવા માટે દોડ્યો હતો તે વખતે તેના પિતા મનોજભાઈ, મહોલ્લાના મિત્રો તેમજ ઓળખીતાઓ વચ્ચે પડ્યા હતા.

 

 

મનોજભાઈઍ પુત્ર મહેન્દ્રને ધક્કો મારી આને કેમ મારે છે હોવાનુ કહેતા તે ઉશ્કેરાયો હતો અને પિતા મનોજભાઈને હાથના ભાગે ચપ્પુના ઘા મારી ગંભીર ઇજા પહોચાડી હત્યા કરી હતી. બનાવ અંગે પોલીસે મહાદેવની ફરિયાદ લઈ મહેન્દ્ર સામે હત્યાનો ગુનો દાખલ કરી તપાસ હાથ ધરી છે.