સોનગઢ-વ્યારા નેશનલ હાઇવે માર્ગ પર બાઈક સવાર યુવકોને અકસ્માત નડ્યો હતો. જેમાં સુરતના બે યુવકોના મોત નિપજ્યા હોવાનો બનાવ પોલીસ મથકે દાખલ કરવામાં આવ્યો છે.

મળતી માહિતી અનુસાર સોનગઢ ના કીકાકુઈ ગામ પાસે નેશનલ હાઇવે નંબર ૫૩ ઉપર તા.૧૦મી સપ્ટેમ્બર નારોજ રાત્રે ૮:૩૦ કલાક ના અરસામાં હોન્ડા યુનિકોન મોટર સાયકલ નંબર જીજે/૦૫/એલઆર/૮૬૭૦ ના ચાલકે હાઇવે ઉપરના વચ્ચેના ડીવાયડર સાથે ટક્કર મારતા (૧) રાવત ધીરુભાઈ જાદવ (ઉ.વ.૨૬) રહે,જગદીશનગર,વરાછા જી.સુરત (૨) ભરતસિંહ રાવતસિંહ ભાટી (ઉ.વ.૩૫) રહે,જગદીશનગર,વરાછા જી.સુરત બંને જણા રોડ પર પટકાયા હતા. જેના કારણે તેઓને શરીરે ગંભીર ઈજાઓ પહોંચતા મોત નિપજ્યા હતા.

બનાવ અંગે જયસિંહ દદુભા ભાટી રહે, વિઠ્ઠલનગર-સુરત ની ફરિયાદના આધારે સોનગઢ પોલીસ મથકે બનાવ દાખલ કરી નિયમોનુસારની કાર્યવાહી હાથ ધરવામાં આવી હતી.