સુરત જિલ્લાના કડોદરા જી.આઈ.ડી.સી પોલીસ સ્ટેશન વિસ્તારના વિદેશી દારૂના ગુનામાં તેમજ સુરત શહેરના પૂણા પોલીસ સ્ટેશનના મારામારીના ગુનામાં વોન્ટેડ આરોપીને એસ.ઓ.જી પોલીસની ટીમે બાતમીના આધારે તાતીથૈયા બસસ્ટેન્ડ નજીકથી ઝડપી પાડ્યો હતો જયારે ઝડપાયેલ આરોપી ગુનાહિત ઇતિહાસ ધરાવે છે.

 

 

 

 

 

 

સુત્રો પાસેથી મળતી માહિતી અનુસાર, સુરત જિલ્લા એસઓજી પોલીસની ટીમ કડોદરા વિસ્તારમાં પેટ્રોલીંગમાં હતી. તે દરમિયાન મળેલ બાતમીના આધારે, કડોદરા જી.આઈ.ડી.સી પોલીસ સ્ટેશન વિસ્તારના વિદેશી દારૂના તેમજ સુરત શહેરના પૂણા પોલીસ સ્ટેશન વિસ્તારના મારામારીના ગુનામાં વોન્ટેડ આરોપી સૌરભ દિનેશચંદ્ર તિવારી (રહે.હલધરુ ગામ) નો તાતીથૈયા બસ સ્ટેન્ડ નજીક ઊભો છે. જે બાતમીના આધારે એસઓજી પોલીસને ટીમે સ્થળ ઉપર પહોંચી સૌરભને ઝડપી પાડ્યો હતો અને ત્યારબાદ તેને ગુનાની કબૂલાત કરતાં તેનો કબ્જો કડોદરા પોલીસને સોંપવાની કામગીરી હાથ ધરી હતી. જયારે ઝડપાયેલ સૌરભ તિવારી ગુનાહિત ઇતિહાસ ધરાવતો હોય અને તે સુરત શહેરના ગોડાદરા પોલીસ સ્ટેશનના મારામારીના ગુનામાં જામીન ઉપર છૂટ્યો હતો.