સુરત જીલ્લાના કડોદરા ખાતે મોપેડ લઈને નીકળેલા ચલથાણ ગામના બે યુવકોને પાછળથી ટ્રકે ટક્કર મારતા અકસ્માત સર્જાયો હતો. આ અકસ્માતમાં બન્ને યુવકોને ગંભીર ઈજાઓ પહોંચી હતી.

 

 

 

કડોદરા ચોકડીથી પાસેથી પસાર થતા ચલથાણ ગામના બે યુવકો જીજે/05/એચએમ/1725 નંબરનું મોપેડ લઈને નીકળેલા હતા. તે સમય દરમિયાન કડોદરા ચોકડીથી આગળ આવેલ મેકડોનાલ પાસેની કટ ઉપર મોપેડને પાછળથી પુરઝડપે આવી રહેલા ટ્રકે ટક્કર મારતા અકસ્માત સર્જાયો હતો.

 

 

 

આ અકસ્માતમાં બન્ને યુવકોને માથાના ભાગે ગંભીર ઈજાઓ પહોંચી હતી જેથી આસપાસના સ્થાનિ લોકોએ ભેગા થઈ નજીકની હોસ્પિટલ ખાતે બન્ને યુવકોને સારવાર હેઠળ ખસેડવામાં આવ્યા હતા. આ અકસ્માત થતા લોકોએ યુવકો ક્યાંના હોવાની તપાસ કરતા બન્ને યુવકો ચલથાણ ગામના હોવાનું માલુમ પડ્યું હતું. આ બનાવ અંગે પોલીસે ગુનો નોંધી આગળની તપાસ હાથ ધરી હતી.