સુરત શહેરનાં મગદલ્લાના ઓએનજીસી બ્રિજ પર સાંજના સમયે બે બાઈક ટક્કરાતાં અકસ્માત સર્જાયો હતો. જેમાં ગંભીર ઈજા પામેલા બંને બાઇક સવાર વ્યક્તિના ઘટના સ્થળે જ કરૂણ મોત નીપજ્યા હતા.

 

 

 

મગદલ્લા ઓએનજીસીમાં તાપી નદી કિનારે આવેલ ઝુપડપટ્ટીમાં રહેતા 50 વર્ષીય શ્રમજીવી નવલસિંગ અનિયા સીંગાળા સાંજે બાઈક પર કરિયાણાનું સમાન લઈને ઘરે જવા નીકળ્યા હતા. તે સમયે મગદલ્લાના ઓએનજીસી બ્રિજ પર સુરેન્દ્ર જીતમલ સહાની બાઈકને નવલસિગની બાઇકને ટક્કર મારતા અકસ્માત સર્જાયો હતો. જેમાં બંને બાઇક ચાલકને ગંભીર ઈજા થતા ઘટના સ્થળે કરુણ મોત નીપજ્યા હતા.

 

 

 

આ ઘટનાની જાણ થતા ઇચ્છાપોર પોલીસ ઘટના સ્થળ પર પહોચીને કાર્યવાહી કરી બંનેના મૃતદેહ નવી સિવિલ હોસ્પિટલમાં ખસેડાયા હતા. આ ઘટના અંગે ઈચ્છાપોર પોલીસે ગુનો નોંધી વધુ તપાસ હાથ ધરી હતી.