સુરત જિલ્લાનાં કડોદરા પોલીસ મથક હદ વિસ્તારમાં આવેલ જય ભારત ડાંઈગ એન્ડ પ્રિન્ટિંગ મિલમાં ગત તા.18 મે નારોજ સવારનાં 10 વાગ્યાના અરસમાં છોટેલાલ ગુલાબભાઈ રાય (ઉ.વ.33) તેમજ ઉજવલ શ્રીલાલ મિશ્રા (ઉ.વ.25) (બંને રહે.અમરોલી) નાઓ મિલમાં કોલસાના ગોડાઉનના પતરાના શેડ ઉપર ચઢ્યા હતા તે દરમિયાન સેફટી બેલ્ટની હુક લગાવતી વખતે એકાએક બંને નીચે પટકાયા હતા.

જેમાં છોટેલાલને કમરના ભાગે ઘસરકા સાથે ઇજા થઇ હતી તેમજ ઉજ્જવલ મિશ્રાને ડાબા હાથે ફ્રેક્ચર થયું હોવાનું જાણવા મળ્યું છે જયારે બંને મજૂરોને હોસ્પિટલમાં સારવાર હેઠળ હોવાનું જાણવા મળ્યું છે જોકે, દર વર્ષે ચોમાસા પહેલા કડોદરાની આસપાસની મિલોમાં પતરા સાફ સફાઈ દરમિયાન મજૂરો પટકાવવાની ઘટનાઓ સામે આવે છે છતાં તંત્ર દ્વારા આજસુધી નક્કર પગલાં લેવામાં આવ્યા નથી. બનાવ અંગે કડોદરા પોલીસે આ મામલે ફક્ત જાણવા જોગ ફરિયાદ લીધી હોવાનું જાણવા મળ્યું હતું.