સુરતના નાનપુરા સ્નેહમિલન ગાર્ડન પાસે આવેલા અમુલ પાર્લરને કોઈ અજાણ્યાએ નિશાન બનાવી ગલ્લામાંથી રોકડા 12 હજાર ચોરી કરી નાસી ગયો હતો.

અઠવા પોલીસના જણાવ્યા મુજબ, લસકાણા ગામ ભોળાનાથ નગર ખાતે રહેતા શૈલેશભાઈ રવજીભાઈ સિરોયાએ ગતરોજ પોલીસમાં ફરિયાદ નોંધાવી હતી. જેમાં જણાવ્યું હતું કે, નાનપુરા સ્નેહમિલન ગાર્ડન પાસે લાફિંગ બુધ્ધા સર્કલની સામે અમુલ પાર્લર આવેલ છે. ગત તા.25મીના રોજ રાત્રીના સુમારે કોઈ અજાણ્યાએ પાર્લરના પાછળના ભાગે આવેલ શટરનું લોક તોડી ઉંચુ કરી અંદર ઘુસી ગલ્લા માંથી રૂપિયા 12 હજાર ચોરી કરી નાસી ગયો હતો.