સાયણ ટંકારા રોડ પર ખલીપોર ગામે મિત્રને ત્યાં બાબરીના પ્રસંગે હાજરી આપી કઠોર જતા યુવકની બાઈક ઝાડ સાથે અથડાઈ હતી. આ ગંભીર અકસ્માતમાં યુવકનું ઘટના સ્થળ પર જ મોત નીપજ્યું હતું.

 

 

 

કામરેજ તાલુકાના કઠોર ગામે પટેલ ટેકરામાં રહેતો અલ્તાફ અજિત શેખ ખોલવડ ગામે મરઘીની દુકાનમાં નોકરી કરે છે. અલ્તાફ અજિત શેખ ઓલપાડ તાલુકાના ખલીપોર ગામે તેના મિત્રને ત્યાં બાબરી પ્રસંગે હાજરી આપી બાઈક નંબર જીજે/19/0227 લઈ ઘરે આવતો હતો. તે સમય દરમિયાન ગામના પાદરે રોડની બાજુમાં આવેલ પીપળાના ઝાડ સાથે બાઈક ધડાકાભેર અથડાઈ હતી જેથી યુવકનું ઘટના સ્થળે જ મોત નીપજ્યું હતું.

 

 

 

આ બનાવ અંગે સાયન પોલીસને જાણ થતા ઘટના સ્થળે પહોંચી લાશનો કબ્જો લઈ પોસ્ટમોડમ માટે સાયન ખાતે મોકલી આપી હતી. પોલીસે આ બનાવ અંગે મોતનો ગુનો નોંધી આગળની કાર્યવાહી હાથ ધરી હતી.