સુરત શહેરના કાપોદ્રા વિસ્તારના યુવકે ઝેરી દવા પીને જીવન ટૂંકાવ્યું હતું. નાના વરાછામાં શક્તિ વિજય સોસાયટીમાં રહેતો અમિતભાઈ જયંતીલાલ હાથીવાલા (ઉ.વ.38) ને એક સંતાન છે અને તે પરિવારનું ભરણ પોષણ કરવા માટે સંચાખાતામાં નોકરી કરતો હતો. જ્યારે લોકડાઉન બાદ અમિતભાઈનું કામ બરાબર ચાલતું ન હતું જેના કારણે અમિતભાઈને નાણાકીય તકલીફ પડતી રહેતી હતી.

અમિતભાઈ સવારે નાના વરાછામાં આવેલા અમીદીપ શો-રૂમ પાસે ઝેરી દવા પી ગયા હતા. જેથી તેને સારવાર માટે સ્મીમેર હોસ્પિટલમાં ખસેડાયા હતા જ્યાં ફરજ પરના ડોકટરે યુવકને મૃત જાહેર કર્યો હતો.આ બનાવ અંગે કાપોદ્રા પોલીસે ગુનો નોંધી આગળની તપાસ હાથ ધરી હતી.