કિમ ચાર રસ્તા કોહીનુર બિલ્ડીંગની બાજુમાં આવેલા મહંમદ રફીક ઉશ્માન શેખના મકાનમાં રહેતા 32 વર્ષીય અખ્તરી બેગમ ફારુક હુશેન અતિઉલ્લા શેખ પોતાના પરિવાર સાથે પોતાના ઘરમાં હાજર હતા. તે સમય દરમિયાન 25 થી 30 વર્ષની ઉંમરના હિન્દી ભાષા બોલતા 3 અજાણ્યા ઈસમો ઘરમાં ગુસી આવ્યા હતા અને તેમના હાથમાં રહેલી પ્રવાહી ભરેલી બોટલોમાંથી ઘરના સભ્યો બેભાન થઈ ગયા હતા.

ત્યારબાદ ઘરમાં રાખેલ 5 હજારની એલસીડી ટીવી, પાકીટમાં રાખેલ 50 હજારના સોનાના દાગીના અને પતરાની પેટીમાં મુકેલ રોકડા 10 હજાર આમ કુલ મળી 65 હજાર રુપ્યાનો મુદ્દામાલ ચોરી ગયાની કોસંબા પોલીસ સ્ટેશનમાં ફરિયાદ નોંધાવી હતી.