ગણેશોત્સવના તહેવારમાં મૂર્તિની સ્થાપના અને વિસર્જન અંગે ગાઈડલાઈન આપવામાં આવી છે ત્યારે મોટેભાગની સોસાયટીઓના મંડળો દ્વારા ચાર ફૂટની મૂર્તિનું પણ ઘરે જ વિસર્જન કરાશે.

કોરોનાની ત્રીજી લહેરની શક્યતાઓ વર્તાઈ રહી છે અને ધીરે-ધીરે દેશમાં કેસ વધતા જઈ રહ્યા છે ત્યારે આ વર્ષે મોટા ભાગની સોસાયટીઓમાં શ્રીજીની પ્રતિમા ઓછી ઉંચાઈની રાખવામાં આવી છે અને સોસાયટીના રહીશો કોવિડની ગાઈડલાઈન પ્રમાણે ગણેશઉત્સવની ઉજવણી માટે તૈયારી કરી રહ્યાં છે. રજીસ્ટર મંડળો સિવાય હજારોની સંખ્યામાં સોસાયટીઓમાં મૂર્તિની સ્થાપના કરવામાં આવે છે. ત્યારે આ વર્ષે એવી સોસાયટીઓ પણ છે જેઓ ચાર ફૂટની મૂર્તિની સ્થાપના કરવાના છે. પરંતુ ખાસ વાત એ છે કે, તેઓ વિસર્જન ઓવારા ને બદલે ઘર આંગણે જ કરશે. કોરોના સંક્રમણ વધવાની ભીંતીને લઈને તેમના દ્વારા આ નિર્ણય કરાયો છે.