સુરતના પલસાણા તાલુકાના કારેલી ગામે એક પરપ્રાંતી પરિવારની મહિલા વહેલી સવારે ચા બનાવી રહી હતી જે અરસામાં ગેસ લીકેજ થતા આગ લાગતા મહીલા શરીરે દાઝી હતી પતિ પત્નીને બચાવવા જતા પતિ પણ દાઝયો હતો જેથી બંનેને હોસ્પિટલમાં દાલખ કર્યા બાદ બંને રજા લઈ ઘરે આવી ગયા હતા. ચાર દિવસ અગાઉ પતિનું માંદગી અને દાઝવાના કારણે મોત નીપજ્યું હતું. ઘટના અંગે પલસાણા પોલીસે જાણવા જોગ ફરિયાદ દાલખ કરી કાર્યવાહી હાથ ધરી હતી.

સુત્રો પાસેથી મળતી માહિતી અનુસાર, મૂળ મહારાષ્ટ્રના જળગાવ જિલ્લાના અને હાલ પલસાણા તાલુકાના કારેલી ગામે આવેલ રાહી રેસિડેન્સીના 167 નંબરના મકાનમાં રેહતા સંજય ધર્મનાગો ઠાકુર (ઉ.વ.45)નાઓ પોતાના પરિવાર સાથે રહી છૂટક મજુરી કરી ગુજરાન ચલાવી રહ્યા હતા. ગત તા.18 જુલાઈના રોજ સવારે 6 વાગ્યા અરસામાં સંજયભાઈની પત્ની માયાબેન ચા બનાવવા ગેસ ચાલુ કરવા જતાં ગેસ લીકેજ થયો હતો અને આગ લાગતા શરીરે દાઝ્યા હતા જે ને બચાવવા જતા પતિ સંજયભાઈ પણ શરીરે દાજયા હતા જે બાદ દંપતીએ સારવાર અર્થે સુરતની નવી સિવિલ હોસ્પિટલમાં દાલખ કરવામાં આવ્યા હતા અને સારવાર બાદ બંને ઘરે પરત ફર્યા હતા સંજયભાઈ અગાઉ બીમાર રહેતા અને સારવાર બાદ પણ છેલ્લા કેટલાક દિવસોથી નાતંદુરસ્ત હતા ચાર દિવસ અગાઉ સંજયઠાકુરનું મોત નીપજ્યું હતું. પલસાણા પોલીસે આગની ઘટના અંગે જાણવા જોગ ફરિયાદ દાખલ કરી વધુ તપાસ હાથ ધરી હતી.