સુરત શહેરના પલસાણા તાલુકાનાં માંખીંગા ગામે રહેતા યાકુબ સુલેમાન ખોલવડીયા પશુપાલનનો વ્યવસાય કરે છે અને તેમના જૂના મકાનમાં તેમણે ઘર વખરીનો સામાન મૂક્યો હતો. ઘરની સાથે જ પશુઓનો તબેલો આવેલ હોય આ મકાન અને તબેલામાં અચાનક આગ લાગી હતી અને જોતજોતામાં આગે વિકરાળ સ્વરૂપ ધારણ કરતા આગ તબેલામાં સંપૂર્ણ ફેલાઈ ગઈ હતી. તબેલામાં બાંધેલા 8 જેટલા પશુઓઓને યાકુબભાઈએ છોડી મૂકતાં તેમનો બચાવ થયો હતો. જ્યારે મકાનમાં રહેલ ઘરવખરી બળીને ખાખ થઈ ગઈ હતી.

આ ઘટના અંગે પલસાણા ફાયર-બ્રિગેડની ટીમને જાણ કરતા ફાયર-બ્રિગેડની ટીમ તુરંત ઘટના સ્થળ પર આવી આગ પર કાબૂ મેળવ્યો હતો. પરંતુ લાગેલ આગમાં ઘરવખરી સહિત અન્ય સમાન બળી જતાં મોટું નુકશાન થયું હતું.