સુરત શહેરનાં પલસાણા તાલુકાનાં બલેશ્વર ગામે મેઇન બજારમાં રહેતા પિયુષભાઇ મનુભાઈ શુક્લા વહેલી સવારે બાઇક લઈ કડોદરા બજારમાં જવા નીકળ્યા હતા. તે સમય દરમિયાન બલેશ્વર ખાતે ગ્રીનલેન્ડ રિસોર્ટ નજીક એક અજાણ્યો યુવક ઇજાગ્રસ્ત હાલતમાં પડ્યો હતો. આ યુવક આશરે 30 થી 35 વર્ષની વયના જણાતા આ યુવકને કોઈ અજાણ્યો વાહન ચાલકે ટક્કર મારતા યુવકનું મોત નીપજ્યું હતું અને ટક્કર મારી અજાણ્યો વાહન ચાલક ભાગી છૂટ્યો હતો.

આ બનાવ અંગે પિયુષભાઈ એ પલસાણા પોલીસને જાણ કરતાં પોલીસે યુવકનો મૃતદેહનો કબ્જો મેળવી તેના વાલીવારસની શોધખોળ હાથ ધરી હતી.