સુરત મહાનગરપાલિકાની સ્થાનિક સ્વરાજયની ચુંટણી અંતર્ગત સુરત શહેર ચુંટણી અધિકારી અને કલેકટર ડો.ધવલ પટેલે અઠવાલાઇન્સ ખાતે વોર્ડ-૨૧માં મતદાન મથક નં.૪૦/૧૨૩(સોની ફળીયા-નાનપુરા-અઠવા-પીપલોદ) ખાતે પોતાના ધર્મપત્ની સાથે મતદાન કરીને લોકશાહી પર્વની ઉજવણી કરી હતી.

સુરત મહાનગરપાલિકાના કમિશનર શ્રી બંછાનિધિ પાની અને તેમના ધર્મપત્નીએ મતદાન દિને વહેલી સવારે વી. ટી. ચોકસી લો કોલેજ, અઠવાલાઈન્સ ખાતે સજોડે મતદાન કર્યું હતું, અને લોકશાહીની પવિત્ર ફરજ અદા કરી હતી.