સુરત જીલ્લાનાં કામરેજ તાલુકાનાં આંબોલી ગામની સીમમાં તાપી બ્રિજ નજીક નેશનલ હાઇવે નંબર -48 પર પૂરઝડપે આવી રહેલ એક ટ્રેલર એસ.ટી બસની પાછળ અથડાયું હતું. આ અકસ્માતમાં બસને નુકશાન થયું હતું અને અકસ્માતના પગલે લોકો એકઠા થઇ ગયા હતા. જોકે કોઈ જાનહાની થઈ ન હતી.

સુત્રો પાસેથી મળતી માહિતી અનુસાર, સવારના સમયે સુરત એસટી ડેપોમાં ડ્રાઈવર તરીકે નોકરી કરતાં દિપકગીરી ઉપેન્દ્રગીરી ગોસ્વામી એસ.ટી.બસ નંબર જીજે/18/એઝેડ/8148 લઈ અમદાવાદ ખાતે જવા નીકળ્યા હતા. તે સમય દરમિયાન કામરેજ તાલુકાનાં આંબોલી ગામની સીમમાં તાપી બ્રિજ નજીક નેશનલ હાઈવે નંબર-48 ઉપરથી પસાર થઈ રહ્યા હતા. તે સમયે પૂરઝડપે અને ગફલતભરી રીતે હંકારી લઈ આવતા ટ્રેલર નંબર એમએચ/46/એએફ/1740નાં ચાલક સફી ઉલ્લાખાન એ ટ્રેલર બસની પાછળના ભાગે અથડાવી દીધું હતું. આ સર્જાયેલ અકસ્માતમાં બસને અંદાજિત 1.25 લાખનું નુકશાન થયું હોવાનું જાણવા મળ્યું હતું. આ બનાવમાં કોઇપણ પ્રકારની જાનહાની થઈ ના હતી. અકસ્માત બાદ એસ.ટી. બસના ચાલકે કામરેજ પોલીસ મથકે ફરિયાદ નોંધાવતા કામરેજ પોલીસે આગળની કાર્યવાહી હાથ ધરી હતી.