મહાત્મા ગાંધીજીએ દાંડીકૂચ દરમિયાન તા.૨૯મી માર્ચ,૧૯૩૦ના રોજ ઓલપાડ તાલુકાના ભટગામમાં 'શેઠ ઠાકોરદાસ ભટગામ પ્રાથમિક શાળા'માં રાત્રિ રોકાણ કર્યું હતું. શાળાનો આ ઓરડો હજુ પણ ગાંધીજીની જીવંત સ્મૃત્તિનો સાક્ષી છે, જેનું 'ગાંધી નિવાસ' નામ આપવામાં આવ્યું છે. આ શાળાના આચાર્યશ્રી વિરલભાઈ પટેલ જણાવે છે કે 'અમારા ગામનું અહોભાગ્ય છે કે ફરી એક વાર દાંડી યાત્રાનું ગામમાં આગમન થશે. ગાંધીજીએ રચેલા ઇતિહાસનું પુનરાવર્તન થશે.

 

 

 

 

દાંડીકૂચનું અમે ભવ્ય સ્વાગત કરવાનું આયોજન કર્યું છે. શાળાના પરિસરમાં 'ગાંધી નિવાસ' ઓરડાથી શાળાના વિદ્યાર્થીઓ ખૂબ જ પ્રેરિત થાય છે. ગાંધીજી આ ઓરડામાં રાતવાસો કર્યો એ સમય આજે જીવંત થયો હોય એવું અનુભવીએ છીએ. અમે અવારનવાર ગાંધીજીની સ્મૃત્તિમાં વિવિધ પ્રેરણાદાયી કાર્યક્રમો યોજી વિદ્યાર્થીઓને સતત મોટીવેટ કરીએ છીએ.

 

 

 

 

વિરલ ભાઈ કહે છે કે, ૧૯૩૦માં અમારા ગામના કાલિદાસભાઈ ગોવિંદજી પટેલ અને ચંદુભાઈ કાલિદાસ પટેલ પણ ભટગામથી દાંડી સુધીની કૂચમાં જોડાયા હતા.