સુરતના અડાજણ સમર્થ પાર્ક સોસાયટીમાં આવેલ  વનસ્ટોપ મોબાઈલ એસેસરીઝની દુકાનને તસ્કરોએ નિશાન બનાવી હતી. દુકાનના શટરના નકુચો તોડી અંદર ત્રાટકેલા તસ્કરો ત્રણ મોબાઈલ અને એસેસરીઝ મળી કુલ રૂપિયા ૧.૪૯ લાખના મતાની ચોરી કરી નાસી ગયા હતા.

પાલ સંજીવકુમાર ઓડીટરીયમની બાજુમાં વાસુ રેસીડેન્સીમાં રહેતા મયુરભાઈ જયંતીલાલ વર્મા (ઉ.વ.૪૫) અડાજણ સમર્થ પાર્ક સોસાયટી શક્તિ ટાવરમાં વનસ્ટોપ મોબાઈલ એસેસરીઝના નામે દુકાન ધરાવે છે. દરમિયાન કોઈ અજાણ્યાઓએ તેમની દુકાનને નિશાન બનાવી હતી અને રાત્રીના સુમારે દુકાનના શટરના નકુચા તોડી અંદર ઘુસ્યા હતા. તસ્કરોએ દુકાનમાંથી વીવો કંપનીના ત્રણ મોબાઈલ જેની કિંમત રૂપિયા ૨૯,૫૦૦/- અને ૧,૨૦,૦૦૦/-ની કિંમતના મોબાઈલની એસેસરીઝ મળી કુલ રૂપીયા ૧,૪૯,૦૦૦/-ના મતાની ચોરી કરી નાસી ગયા હતા. પોલાસે મયુરભાઈની ફરિયાદ લઈ તપાસ હાથ ધરી હતી.