સુરતના ભાઠેના પંચશીલ નગરમાં ગતરોજ ટોરેન્ટ પાવર વીજ કંપનીની ટીમે દરોડા પાડી વીજચોરી ઝડપી પાડી બે સામે પોલીસમાં ફરિયાદ નોંધાવી હતી.

બનાવની વિગત એવી છે કે, તિલક મેદાન ટોરેન્ટ હાઉસ સ્ટાફ કવાર્ટ્સમાં રહેતા અને ટોરેન્ટ પાવર વીજ કંપનીમાં નોકરી કરતા અરુણકુમાર મોહનલાલ પ્રજાપતિએ ગતરોજ સવારે સ્ટાફના માણસો સાથે ભાઠેના ઉમીયા માતા મંદિરની પાછળ પંચશીલ નગરમાં દરોડા પાડ્યા હતા. જેમાં શકિલ મિશ્રા અને શાહરૂખ મિશ્રા પોતાના આર્થિક ફાયદા માટે રહેણાંક મકાનમાં અનઅધિકૂત રીતે ટોરેન્ટ પાવર કંપનીના વીજ નેટવર્કમાંથી ગેરયાકેદ વીજ જોડાણ કરી કંપનીને લાખો રૂપિયાનું નુકશાન પહોંચાડ્યું હતુ. પોલીસે અરૂણકુમારની ફરિયાદ લઈ બંને સામે ગુનો દાખલ કરી તપાસ હાથ ધરી હતી.