સુરત જિલ્લા લોકલ ક્રાઇમ બ્રાન્ચ પલસાણા પોલીસ મથક વિસ્તારમાં પેટ્રોલીંગમાં હતી. તે દરમિયાન અંગત રાહે મળેલી બાતમીનાં આધારે, વલસાડ રૂલર પોલીસ મથક તેમજ ડુંગરી પોલીસ મથક વિસ્તારમાં વિદેશી દારૂનાં ગુન્હામાં નાસતા ફરતા બે આરોપીને પોલીસે ઝડપી પાડ્યા હતા.

જેમાં શોએબ નઇમ અંસારી (રહે.આર્ય રેસિડેન્સી રૂમ નંબર-341 કારેલી ગામ, પલસાણા જી.સુરત, મૂળ રહે.મોતિહાર બિહાર) અને ઉત્તમ ચંદ્રમાં દુબે (રહે.106 સ્વર્ગ વીલા સોસાયટી કારેલી,પલસાણા,જિ.સુરત, મૂળ.બકસર,બિહાર) બંનેને પોતાની સોસાયટીના ગેટ પરથી જ અટકાયત કરી પૂછપરછ કરવામાં આવતા ગુન્હાની કબૂલાત કરી હતી તેમજ બંનેને વલસાડ રૂલર પોલીસ મથક તેમજ ડુંગરી પોલીસ મથકને સોંપવાની તજવીજ હાથ ધરી હતી.