સુરત જિલ્લાનાં પલસાણાથી બારડોલી તરફ જતા રોડ ઉપર શક્તિ રેસીડેન્સી પાસે રાત્રીના સમયે એક યુવક ટેમ્પામાં બાયોડીઝલ વેચાણ કરે છે જે મળેલ બાતમીના આધારે, પલસાણા મામલતદાર તેમજ પલસાણા પી.એસ.આઇની ટીમ બાતમી વાળી જગ્યાએ પહોચી જતા, ત્યાં ઉભેલ એક ટેમ્પોમાં નંબર જીજે/05/એવી/9671માં એક પ્લાસ્ટિકની ટાંકીમાં ભરેલ બાયોડીઝલ પંપ વડે  બીજા ટ્રક નંબર જીજે/21/ડબ્લ્યુ/ 7731માં ભરી રહ્યો હતો.

તે સમયે ટેમ્પો અને ટ્રક બંનેને ઝડપી પાડી કાયદેસરની કાર્યવાહી હાથ ધરતા ટેમ્પામાં રહેલ 200 લીટર ડીઝલ પંપ નોઝલ મળી કુલ રૂપિયા 1,40,000/-નો મુદ્દામાલ ઝપડી પાડ્યો હતો. આમ, પલસાણા મામલતદાર તેમજ પલસાણા પી.એસ.આઈની ટીમે સંયુક્ત રીતે કામગીરી બજાવી હતી.