સુરત શહેરના કામરેજથી કડોદરા નેશનલ હાઇવે નંબર-48 રાહદારી અને બાઇક ચાલકો અવર-નવાર  અકસ્માતનો ભોગ બની રહ્યા છે. એક યુગલ બપોરના સમયે કડોદરથી કામરેજ તરફ બાઇક પર જઈ રહ્યા હતા. તે સમય દરમિયાન વલથાણગામ નજીક એક ટ્રક ચાલકે પોતાની ટ્રક ગફલતરીતે હંકારીને બાઇક ચાલકને અડફેટે લીધો હતો. આ અકસ્માત બાદ બાઇક ચાલકનું ઘટના સ્થળે મોત નીપજ્યું હતું, જ્યારે બાઈકની પાછળ બેસેલ યુવતીને ઇજા પહોંચી હતી અને અકસ્માત થતા ટ્રક ચાલક ટ્રક મૂકીને ભાગી ગયો હતો.

આ બનાવ અંગે પોલીસને જાણ થતાં પોલીસ કાફલો ઘટના સ્થળે પહોંચીને મૃતદેહનો કબજો લઈને કાર્યવાહી કરી ટ્રક કબજે લઈને ટ્રક ચાલક સામે ગુનો નોંધી આગળની તપાસ હાથ ધરી હતી.