સુરત જિલ્લાના પલસાણા તાલુકાનાં વીંઝોડીયા ગામનો આધેડ એના ગામે ખેતરમાં પાણી વાળવા ગયા હતા તે સમયે તે પાણીની નિકમાં પડી જતાં તેનું મોત નીપજયું હતું.

સુત્રો પાસેથી મળતી માહિતી અનુસાર, પલસાણા તાલુકાનાં વીંઝોડીયા ગામના ઉકરડા ફળિયામાં રહેતા મહેશભાઈ ધીરુભાઈ હળપતિ જે એના ગામ ખાતે મજૂરીકામ કરવા ગયો હતો અને તે એના ગામની સીમમાં બ્લોક નં-282 વાળા શેરડીના ખેતરમાં પાણી વાળી રહ્યો હતો તે સમયે ખેતરના શેઢા ઉપર જી.ઇ.બી.ના થાંભલા નજીક પાણીની નિકમાં પડી જતાં તેનું મોત નીપજયું હતું. આ બનાવ અંગે એના ગામના ખેડૂત સરજુકુમાર કાંતીલાલ પટેલે પલસાણા પોલીસ સ્ટેશનમાં જાણ કરતાં પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.