કડોદરા જી.આઈ.ડી.સી. પોલીસે 2 વર્ષથી નાસતા ફરતા આરોપીને વરેલીથી ઝડપી પાડ્યો હતો. જયારે આ વાંકાનેડા ગામથી 2 વર્ષ અગાઉ પકડાયેલા દારૂના ગુનામાં આરોપી વોન્ટેડ હતો. 

 

 

 

સુત્રો પાસેથી મળતી માહિતી અનુસાર, કડોદરા જી.આઈ.ડી.સી. પોલીસ સ્ટેશનનાં પી.આઈ. એ.પી.બ્રહ્મભટ્ટ દ્વારા વોન્ટેડ આરોપીઓને પકડવાની કામગીરી હાથ ધરી હતી અને 2 વર્ષથી ગુનાઓમાં નાસતા ફરતા આરોપીઓને ટીમ બનાવી તથા બાતમીદારોને પણ સતર્ક કરવામાં આવ્યા હતા કે જેથી આરોપીઓની પકડી શકાય.

 

 

 

આ દરમિયાન મળેલ ખાનગી બાતમીના આધારે, 2 વર્ષ પહેલા વાંકાનેડા ગામે હળપતિ વાસમાં આવેલ એક ગોડાઉનમાં વાહન માંથી દારૂ ઉતારતા સમયે પોલીસ રેડ કરી હતી ત્યારે ભાગી જનાર આરોપી રામેશસિંગ જોગરાજસિંગ રાજપુરોહિત (ઉ.વ.25) વરેલી ગામે જોવા મળેલ છે. જે બાતમીના આધારે પોલીસ ટીમ તાત્કાલિક સ્થળ પર પહોંચી આરોપીને વરેલી ગામની સાંઈદર્શન સોસાયટીનાં નાકેથી ઝડપી પાડ્યો હતો આગળની કાયદેસરની કાર્યવાહી હાથ ધરી હતી.