સુરત શહેરના કડોદરાથી સુરત જવાના રોડ ઉપર એક મોટરસાયકલ ચાલક વરેલી ગામ ખાતે આવેલ પોતાના ઘરે જઈ રહ્યો હતો. તે સમય દરમિયાન પાછળથી એક ડમ્પર ચાલક પુરઝડપે અને ગફલતભરી રીતે હંકારી લાવી મોટરસાયકલ ચાલકને અડફેટે લીધો હતો અને આગળના વ્હીલમાં મોટરસાયકલ ચાલક કચડતા અકસ્માત સર્જાયો હતો.

 

 

 

આ અકસ્માત સર્જાતા સ્થાનિક લોકો દોડી આવ્યા હતા અને વ્હીલમાં કચડાયેલા યુવકને ભારી જહેમત બાદ બહાર કાઢ્યો હતો. આ ઘટના નાગે જાણ થતા સ્થાનિક પોલીસ પણ ઘટના સ્થળે દોડી આવી હતી અને અકસ્માતનો ભોગ બનેલા યુવકને 108ની મદદથી નજીકની હોસ્પિટલ ખાતે સારવાર માટે ખસેડવામાં આવ્યો હતો.

 

 

 

આ બનાવ અંગે કડોદરા પોલીસે ડમ્પર જપ્ત કરી ડમ્પર ચાલક વિરુદ્ધ અકસ્માતનો ગુનો દાખલ કરી આગળની કાર્યવાહી હાથ ધરી હતી