સુરતનાં કામરેજ તાલુકાનાં કઠોદરા ગામની સીમમાં નંદનવન ફાર્મ હાઉસમાં રહેતી 27 વર્ષીય મહિલાને તેના બાળકો હેરાન પરેશાન કરતાં હોય જેથી મહિલાએ કીડી મારવાની દવા પી લેતા તેને સારવાર માટે હોસ્પિટલમાં ખસેડવામાં આવી હતી.બનાવની વિગત એવી છે કે, મૂળ ભાવનગર જિલ્લાના મહુવા તાલુકાનાં મોરપણ ગામના વતની અને હાલ કામરેજ તાલુકાનાં કઠોદરા ગામે આવેલ નંદનવન ફાર્મ હાઉસમાં રહેતા જયવંતસિંહ નાનાભાઇ ગોહિલના લગ્ન 6 વર્ષ અગાઉ લાખુબેન (ઉ.વ.27) નામની મહિલા સાથે થયા હતા અને લગ્ન જીવન દરમિયાન તેમને બે સંતાન હોય અને આ બાળકો તેમને હેરાન પરેશાન કરતા હોય જેથી લાખુબેન નાઓ કંટાળી જઈ કીડી મારવાની દવા પી લેતા તેમને સારવાર માટે હોસ્પિટલમાં ખસેડવામાં આવ્યા છે.