પાંડેસરા વિસ્તારમાં આવેલ કૈલાશ ચોકડી પાસે મણિનગર સોસાયટીમાં ગતરોજ યુવકનો ઘરનો દરવાજા આડો કરી અંદર સુઇ ગયો હતો. આ દરમિયાન ગતરોજ રાત્રે કોઇ અજાણયા ઇસમે ઘરનો દરવાજા ખોલી અંદર પ્રવેશી ચાર્જિંગમાં મુકેલા બે મોબાઇલ ચોરી કરી ફરાર થઇ ગયો હતો. બનાવને પગલે આખરે ભોગ બનનાર યુવકે પાંડેસરા પોલીસ મથકમાં પોલીસ ફરિયાદ નોંધાવતા પોલીસે ઘરફોડ ચોરીનો ગુનો નોંધી તપાસ હાથ ધરી હતી. 

સુત્રો પાસેથી મળતી માહિતી અનુસાર, પાંડેસરા કૈલાશચોકડી પાસે આવેલ મણિનગરમાં રહેતા જગ્ગ્નાથ રામદુલારે પ્રજાપતિ (ઉ.વ.૨૫) જે સુરતમાં મજૂરી કામ કરી પરિવારને આર્થિક મદદ કરે છે. ગતરોજ રાત્રે જગન્નાથ ઘરનો દરવાજા આડો કરી અંદર સૂતો હતો. તે સમયે તેના ભાઇ અંકુશનો મોબાઇલ ચાર્જિંગમાં હતો. રાત્રે ૧૧થી બે વાગ્યાના અરસામાં કોઇ અજાણયા ચોર ઇસમે તેમના ઘરનો દરવાજા ખોલી અંદર પ્રવેશ્યો હતો. બાદમાં ઘરમાંથી અંકુશનો અને લવકુશનો એમ કુલ બે મોબાઇલની ચોરી કરી ફરાર થઇ ગયો હતો. બનાવને પગલે સવારે જગન્નાથને જાણ થતા તેઓએ આ મામલે પાંડેસરા પોલીસે મથકમાં પોલીસ ફરિયાદ નોંધાવી હતી. પાંડેસરા પોલીસે અજાણયા ઇસમ સામે ઘરફોડ ચોરીનો ગુનો નોંધી વધુ તપાસ હાથ ધરી હતી.