સુરત શહેરમાં નાની બાળકીઓ સાથે શારીરિક છેડછાડના બનાવો સતત વધી રહ્યા છે જેમાં કામરેજ ખાતે પરિવારજનો સાથે રહેતી 7 વર્ષીય બાળકીને એક ઈસમે શારિરીક છેડછાડ કરતાં બાળકીના પિતાએ આ નરાધમ વિરુદ્ધ કામરેજ પોલીસ સ્ટેશનમાં ફરિયાદ નોંધાવી હતી. સુત્રો પસેથિએ મળતી માહિતી અનુસાર, કામરેજ વિસ્તારમાં રહેતા એક પરિવારની 7 વર્ષીય દીકરીને એક ઈસમ પોતાના ઘરે લઈ જતો હતો અને ત્યાં શારીરિક અડપલાં કરતો હતો એટલુજ નહીં આ વિકૃત મગજના ઈસમે આ સગીરાને પોતાની દુકાનમાં લઈ ગયા બાદ ત્યાં પણ બાળકીના ગુપ્ત ભાગે તથા છાતીના ભાગે હાથ ફેરવી શારીરિક અડપલાં કરતો હતો.જયારે 7 વર્ષીય બાળકીએ આ ઘટના અંગે તેના પિતાને જાણ કરતાં બાળકીના પિતાએ આ વિકૃત મગજના ઈસમ જયવદન ઉર્ફે જયેશ ખુશાલ પંચાલ (રહે.કામરેજ,રાજનગર,કામરેજ) વિરુદ્ધ કામરેજ પોલીસ સ્ટેશનમાં ફરિયાદ નોંધાવતાં પોલીસે પોકસો એક્ટ હેઠળ ગુનો નોંધી આગળની કાર્યવાહી હાથ ધરી હતી.